Улсын хэмжээнд жилд 1400 гаруй хүүхэд зам, тээврийн ослын улмаас гэмтдэг гэсэн судалгаа бий. Харин энэ төрлийн ослоос шалтгаалан 2019 онд 49 хүүхэд , 2020 онд 64 хүүхэд ,2021 онд 51 хүүхэд эндсэн байдаг. Нийт ослын 70 орчим хувь нь орон нутагт бүртгэгдсэн байна.Ослын дийлэнх хувь нь иргэдийн хайхрамжгүй байдлаас үүсдэг гэдгийг мэргэжилтэн хэлж байна.
Тээврийн цагдаагийн албаны урьдчилан сэргийлэх хэлтэсийн ахлах мэргэжилтэн Э.Энхболд: Энэ оны эхний 7-н сарын байдлаар 40 хүүхэд зам тээврийн ослын улмаас амь насаа алдсаны 5-аас 6н тохиолдол нь эцэг эхчүүд МУ-ын Замын Хөдөлгөөны Дүрэмд жолооч зам орчныг биеэр шалгаж хөдөлгөөнийг цааш үргэлжлүүлэх гэсэн энэхүү шаардлагыг үл тоосон хайхрамжгүй байдлаас болж хүүхдүүд амь насаа алдсан байдаг. Өмнөх 2021 онд 51 хүүхэд зам тээврйин ослоор нас барснаас 14нь яг энэ тохиолдлоор амь насаа алдсан бөгөөд орон нутагт 28 үлдсэн нь нийслэлд бүртгэгдсэн.Нийт гэмтсэн тохиолдлын 167 нь орон нутагт , нийслэлд 229 хүүхэд бүртгэгдсэн байна.Ингээд тоон мэдээллээс харахад нийслэлп гэмтсэн хүүхэд их хэдий ч амь насаа алдсан тохиолдол бага харин орон нутагт эсрэгээрээ амь насаа алдсан тохиолдол өндөр,гэмтсэн тохиолдол бага гарсан байгаа юм. Сургууль цэцэрлэгийн үйл ажиллагаа эхлэж байгаатай холбоотой авто машинд бага насны хүүхэдтэй зорчихдоо хүүхдийн машины суудал заавал хэрэглэх , явган зорчигч зам хөндлөн гарахдаа гарцаар хүүхдээ хөтлөж зорчихыг сануулж байна.
