Хонконг руу зорчиж буй иргэдийг гурав хоног тусгаарладаг боллоо. Тодруулбал, тус улс руу долоо хоног тусгаарладаг байсныг бууруулсан талаарх Хонконгийн засаг захиргааны шийдвэр маргааш хэрэгжиж эхэлнэ. Зорчигчдыг урьдчилан захиалсан тусгаарлах байранд гурав хоног байлгасны дараа PCR шинжилгээ авах бөгөөд хариу “сөрөг” гарсан тохиолдолд дөрөв хоногийн гэр ажиглалтад шилжүүлэх юм. Гэрийн ажиглалтад байх хугацаанд дөрөв болон зургаа дахь хоногт PCR шинжилгээ өгөх шаардлагатай. Хонконгийн тусгаарлан ажиглах байрны захиалга, мэдээллийг дараах цахим хуудаснаас авах боломжтой.
