АН-ын “4:11 Мэдээллийн цаг”-аар УИХ-ын гишүүн Д.Ганбат, Ардчилсан намын ЕНБ-ийн дарга Ч.Өнөрбаяр, Хэрэг эрхлэх газрын дарга Д.Эрдэнэсувд нар ОХУ, БНХАУ-ын Гадаад хэргийн сайд нарын айлчлал, Мөн НҮБ-ын ЕНБД-ын алчлалтай холбогдуулан АН-байр суурийг илэрхийллээ. УИХ-ын гишүүн Д.Ганбат “Ардчилсан намаас удаа дараа байр сууриа илэрхийлж, мэдэгдэл хийхдээ “Монгол бол НҮБ-ын гишүүн орны хувьд хоёр том хөрштэйгөө стратегийн иж бүрэн түншлэлийн гэрээгээр найрсаг харилцаатай улс. Гэхдээ гуравдагч хөршийн бодлогыг байнга баримтлах ёстой. Ялангуяа санхүү, эдийн засгийн хоригт ямар нэг байдлаар орж болохгүй" гэдгийг байнга дурдаж байсны үр дүн гарч байна.
ОХУ-ын Гадаад хэргийн сайд С.Лавров Монголд айлчилсан. Гэхдээ улс оронд мэдээлэл өгөх явц учир дутагдалтай байна.Жишээ нь, Сэлэнгэ-2022 хээргийн сургуулилтын талаар Засгийн газраас мэдээлэл өгөхгүй байна. Бид ОХУ-ын сайтаас авсан. 1300 орчим цэрэг, 300гаруй зэвсэг техник Ховдод хээргийн сургууль хийж байна. Хэдий хугацааны сургуулилт вэ гэдэг нь тодорхойгзүй байна. Гадаад харилцааны сайд маань цухас дурдаад өнгөрлөө.
БНХАУ-ын Ван И сайдын айлчлалаас багагүй үр дүн хүлээж байлаа. Чухал олон асуудлаар ярилцлаа. Гэхдээ бидний хүлээж байсан Хятад своп хэлэлцээрийг хойшлуулах, эрчим хүчний 5 дугаар эх үүсвэрийн ажил тодорхойгүй үлдлээ. Яг энэ үед манай НҮБ-ын ерөнхий нарийн бичгийн дарга Антонио Гуттереш айлчилсан.Бид 10-аад жил эдийн засгийн ахицгүй явлаа. Манай намын болон миний зүгээс хамгийн чухал зүйл бол том төслүүдийг яаралтай хөдөлгөж, ард түмний эрх ашигт нийцүүлж ажиллах ёстой гэсэн байр суурь барьж байна.
Энэ зун наадам сайхан болж, Ерөнхийлөгчийн санаачлагаар Чингис хааны эш хөргийг айл болгон залах зарлигийг дэмжиж байгаа. Гэхдээ энэ найр наадам ард түмний баяр цэнгэл болохоос биш хэдэн дарга нарын троллуудын тэднийг угждаг, цүнх баригчдын баяр биш. Маш их зардал чирэгдэлтэй хүлээн авалт хийж байгаад орон нутгийн иргэд дургүйцэж байна. Манай гадаад бодлого бол нэг цонхны байх ёстой гэдэгт хатуу байр суурьтай байгаа.
АН-ын ЕНБ-ийн дарга Ч.Өнөрбаяр: Эрх баригч нар наадмын үеэр Үндсэн хуульд өөрчлөлт оруулна гээд гишүүдээ орон нутагт ажиллуулсан.Гэтэл ямар ч төсөлгүй л яваад байгаа юм. Энэ бол ойрын зайны жижиг улс төр. Нөгөө талаар Н.Энхбаяр гуай Үндсэн хуулийн өөрчлөлтийн төсөл хийнэ гэж юу байх вэ. Энэ хүнийг амраах хэрэгтэй. Хоёрт, парламентэд суудалтай намууд оролцоод ярилцдаг болохоор Засгийн газрын гүйцэтгэх эрх мэдлийн хүрээнд яригддаггүй юм. Үндсэн хуулиа өөрчилье гэж ярихын оронд ард түмний нуруун дээр байгаа үнэ, ханшаа хар. Монголбанк мөнгө хэвлээд асуудлыг шийддэггүй. С.Лавров, Ван И-гийн айлчлалын үр дүнг дүгнэж ярих цаг нь болоогүй гэж бодож байна. НҮБ-ын Ерөнхий нарийн бичгийн дарга Монголд айлчилж байгаа нь түүхэн чухал ач холбогдолтой айлчлал болсон гэсэн байр суурьтай байгаа.