ЭЗХ-ийн дэд сайд С.Наранцогт: "Өнөөдрийн хувьд боомтын сэргэлтийн талаар ЗГ-ын хуралдаанаар танилцууллаа. Энэ нь цаг үетэй холбоотой. Ялангуяа БНХАУ-ын сайдын айлчлалын хүрээнд МУ-ын Ерөнхий сайд өмнөд хөрштэй хиллэж байгаа боомтуудын нарийвчилсан төлөвлөгөөний талаар дэлгэрэнгүй ярилцсан. Үүнтэй холбогдуулан Эдийн Засгийн Хөгжлийн яамнаас боомтуудынхаа төлөвлөлтүүдийг, тулгамдаж буй асуудал, бүтээн байгуулалтын ажлын явцын талаар мэдээлэл хийсэн.
Засгийн газраас чиглэл өглөө. Нэгдүгээрт, Хятад боомтуудаа ангилаад, төлөвлөлт хийдэг. Үүнтэй уялдуулан төлөвлөлт хийж явна. Боомтуудаа эрэмбэлэн, боомтын сэргэлтийн явц, бүтээн байгуулалтуудаа эрчимжүүлэх, 2023 оны хөрөнгө оруулалтын төлөвлөгөөнд түлхүү оруулахаар боллоо.
Манай улс ОХУ-тай 16 боомт, БНХАУ-тай 17 боомтоор холбогддог. Тэгэхээр бүх боомтынхоо ерөнхий төлөвлөгөө, зарим шаардлагатай гол боотмуудынхаа төлөвлөгөөний төсвийг улсын төсөвт суулгана.
Ерөнхийдөө Шинэ сэргэлтийн бодлогод тусгагдсаны дагуу бүх боомтуудаа авто замаар холбоно, гол боомтуудаа төмөр замаар холбоно. Үүний үр дүнд манай улсын экспорт гурав дахин өснө."
