АНУ-ын Ерөнхийлөгч Жо Байден Украины мөргөлдөөний гал дээр тос нэмсээр байна гэж "Пинк Флойд" хамтлагийг үүсгэн байгуулагчдын нэг Британийн хөгжимчин Рожер Уотерс CNN-д өгсөн ярилцлагадаа мэдэгджээ.
"Энэ бол ноцтой гэмт хэрэг. Яагаад АНУ Украины Ерөнхийлөгч Владимир Зеленскийг Москватай энэ аймшигт мөргөлдөөнийг зогсоох хэлэлцээрийг эхлүүлэхийг уриалаагүй юм бэ?" гэж тэр сануулав.
Түүгээр ч барахгүй түүний бодлоор хямралын гол буруутан нь Хойд Атлантын холбоо болсон" гэжээ.
"Аливаа дайн ямар нэг шалтгаанаар эхэлдэг. Энэ дайн харин 2008 онд эхэлсэн (НАТО-гийн дээд хэмжээний уулзалтын үеэр анх удаа Украин, Гүржийн гишүүнчлэлийн тухай асуудлыг хөндөж байсан.)
Оросын тусгай ажиллагаа нь тус НАТО-гийн блок ОХУ-ын хил рүү цэргийн цар хүрээгээ тэлэх гэсэн дээрхи оролдлогын эсрэг хариу үйлдэл байсан. Эвсэл үүнийг хийхгүй гэж амалсны хариуд Горбачев Зөвлөлтийн цэргийг Баруун Европын босгон дээрээс эргүүлэн татаж байсныг" гэж Уотерс сануулав.
Тэрээр хөтлөгчдөө илүү ихийг уншихыг зөвлөж, хэрвээ Хятад улс Мексик, Канадад цөмийн пуужин байрлуулбал Вашингтон ямар хариу үйлдэл үзүүлэхийг төсөөлөхийг санал болгов. Хөтлөгч Хятад одоо Тайванийг бүслээд завгүй байгаа гэсний хариуд Уотерс Тайван нь Хятадын нэг хэсэг гэдгийг дурдав. Үүнээс гадна тэрбээр “АНУ чөлөөлөгчийн үүрэг гүйцэтгэдэг” гэсэн хөтлөгчийн үгийг няцаажээ.
Уотерс одоогоор "This Is Not A Drill" нэртэй аялан тоглолтоо хийж байгаа юм. Тэрээр улс төрийн сэдвүүдээр илэн далангүй ярьдаг бөгөөд Жо Байденыг багтаасан "дайны гэмт хэрэгтнүүд"-ийн гэрэл зургуудыг харуулдаг юм.
Өнгөрсөн оны сүүлээр Орос улс АНУ болон НАТО-той аюулгүй байдлын баталгааны тухай хэлэлцээрийн төслийг нийтэлсэн. Москвагийн шаардлагуудын нэг нь эвслийг зүүн зүгт улам өргөжүүлэх, Украиныг түүнд нэгтгэх, ЗХУ-ын бүрэлдэхүүнд байсан орнуудад цэргийн бааз байгуулахаас татгалзах явдал байв. Нэмж дурдахад энэ нь Оросын хилийн ойролцоо цохилтын зэвсгийг байрлуулахгүй байх, Зүүн Европ дахь НАТО-гийн хүчийг 1997 оны байрлалд татан буулгах тухай байв.
Хоёрдугаар сарын 24-нөөс хойш Орос улс Украиныг цэрэггүйжүүлэх, харгислалгүй болгох тусгай цэргийн ажиллагаа явуулж байна. Владимир Путин үүнийхээ зорилтыг "8 жилийн турш Киевийн дэглэмд дээрэлхүүлж, хоморголон устгагдаж байгаа хүмүүсийг хамгаалах" гэж тодотгосон юм. Ерөнхийлөгчийн хэлснээр, ажиллагааны эцсийн зорилго нь Донбассыг чөлөөлж, Оросын өөрийн аюулгүй байдлыг хангах нөхцөлийг бүрдүүлэх явдал юм.
Эх сурвалж: РИА новости