Орос, АНУ хоёр хоригдлууд солилцох талаар ярилцах сувгийг хоёр улсын ерөнхийлөгч Владимир Путин, Жо Байден нар өнгөрсөн жил Женевт хийсэн хэлэлцээний үеэр тохиролцсон гэж Кремлийн хэвлэлийн төлөөлөгч Дмитрий Песков мэдэгдэв гэж ТАСС мэдээлэв. Өмнө нь ОХУ-ын Гадаад хэргийн сайд Сергей Лавров энэ асуудлаар хоёр удирдагчийн тохиролцоонд хүрснийг онцолсон юм.
Женевт юу тохиролцсон юм бэ" гэсэн асуултад Песков хариулахдаа:
2021 оны 6-р сарын 16-нд Женевт Путин, Байден нарын хэлэлцээ болсон. Энэ хэлэлцээрийн үр дүнгийн талаар Оросын төрийн тэргүүн хэлэхдээ, уулзалтын үеэр америкийн хамтрагчтайгаа хоригдлууд солилцох асуудлыг хэлэлцсэн гээд АНУ-ын шоронд ял эдэлж буй зарим орос иргэдийг нутаг буцаах тухай асуултад хариулсан юм.
Өмнө нь Цагаан ордны хэвлэлийн нарийн бичгийн дарга Карин Жан-Пьер Оросын удирдлагад хандан сагсан бөмбөгчин Бритни Гринер болон тагнуулын хэргээр ял шийтгүүлсэн Пол Уилан нарыг Оросын бизнесмэн Виктор Бутаар солих саналыг хүлээн авахыг хүссэн юм. Америкийн засаг захиргааны төлөөлөгч АНУ-ын эрх баригчид иргэдээ буцаахын тулд боломжит бүхнийг хийхэд бэлэн байна гэж нэмж хэлэв.
АНУ-ын Төрийн нарийн бичгийн дарга Энтони Блинкен мөн Оросын Гадаад хэргийн сайд Сергей Лавровтой хоригдлуудын асуудлаар ярилцах хүсэлтэй байгаагаа илэрхийлсэн байна.
Эх сурвалж: NEWS.ru
