Украины таван сая гаруй иргэн улс орноосоо дүрвээд байгаа талаар НҮБ лхагва гарагт мэдээлжээ. Үүнийг дэлхийн II дайнаас хойш хамгийн богино хугацаанд үүссэн дүрвэгсдийн хямрал гэж үзэж байна.
НҮБ-ын Хүний эрхийн дээд комиссарын газрын мэдээлснээр, Орос хоёрдугаар сарын 24-нд довтолсноос хойш Украины 5 034 439 иргэн улс орноосоо дүрвэжээ. Энэ нь өмнөх өдрийнхөөс 53 850-аар өссөн байна.
“Зөрчил эхэлснээс хойш найман долоо хоногийн нүүр үзэж байгаа энэ үед дүрвэгсдийн тоо таван сая давлаа” гэж Хүний эрхийн дээд комиссарын газрын төлөөлөгч Келли Клементс мэдээлжээ.
Тодруулбал, дүрвэгсдийн тэн хагасаас илүү хувь нь буюу 2.8 сая гаруй хүн Польш руу, 750 мянга гаруй хүн Румын руу дүрвэжээ. НҮБ-ын мэдээллээр, Украинд дотооддоо дүрвэсэн иргэдийн тоо долоон сая давсан байна.
Эх сурвалж: Montsame.mn
