Хятадын Ардын Чөлөөлөх Арми Тайванийн ойролцоо байлдааны буудлага хийх сургуулилтыг амжилттай явууллаа гэж ХАЧА-ын зүүн байлдааны командлалын бүс албан ёсны WeChat хаягтаа мэдээллээ.
"8-р сарын 4-ний өдрийн 13:00 цагийн орчимд Тайваний хоолойн зүүн хэсгийн онилсон газруудад алсын зайн байлдааны буудлага, нарийвчлалтай цохилтуудыг хийж, хүлээж байсан үр дүнд хүрсэн" гэжээ.
Маневрууд орон нутгийн цагаар 12:00 цагт эхэлсэн бөгөөд ням гараг хүртэл үргэлжилнэ. Энэ нь Тайвань орчмын зургаан бүсэд болно. Тухайн бүс нутагт хөлөг онгоцыг санамсаргүйгээр оруулах, нисэх онгоцыг нэвтрүүлэхгүйн тулд цэргийнхэн координатыг урьдчилан нийтэлсэн.
Энэхүү том хэмжээний "амьд" галын сургуулилт нь АНУ-ын Төлөөлөгчдийн танхимын дарга Нэнси Пелосиг тус аралд хүлээн авсан Тайбэйн шийдвэрийн хариу болж байгаа юм.
Америкийн Төлөөлөгчдийн танхимын дарга тэргүүтэй улс төрчид Ази дахь айлчлалынхаа хүрээнд мягмар гарагийн орой Тайваньд ирсэн. Маргааш нь Нэнси Пелоси Тайванийн Ерөнхийлөгч Цай Ин Вэнтэй уулзаж хэлэлцээ хийсний дараа Өмнөд Солонгос руу ниссэн юм.
Энэ нь АНУ-ын Төлөөлөгчдийн танхимын спикер 1997 оноос хойш анх удаа тус аралд айлчилал байв.
БНХАУ-ын ГХЯ-ны сайд Ван И-гийн тэмдэглэснээр Хятад улс бусад оронтой энх тайвнаар зэрэгцэн оршиж, хамтдаа хөгжихөд бэлэн байгаа хэдий ч тогтвортой байдлыг алдагдуулахыг хэнд ч зөвшөөрөхгүй. Тэрбээр цааш нь хэлэхдээ Хятадад Тайваныг нэгтгэх нь түүхэн гарцаагүй зүйл юм.
Цагаан ордон "Нэг Хятад" бодлогыг тууштай баримталж байгаагаа дахин нотолсон боловч Пелоси өөрөө шийдвэр гаргадаг гэж мэдэгдсэн юм.
Эх сурвалж: РИА новости
