Чечений Ерөнхийлөгч Рамзан Кадыров "Известия" сонинд ярилцлага өгөхдөө авлигатай тэмцэх хамгийн үр дүнтэй аргыг зааж өгчээ. Рамзан “Бүх хөрөнгийг нь хураах нь авлигыг устгах хамгийн үр дүнтэй арга юм. Бүгдийг нь шүү. Авлигач түшмэлүүдтэй ингэж л тэмцэх хэрэгтэй. Тэгэхгүй бол тэр новшнууд шоронд ороод гараад ирнэ. Банкандаа мөнгөтэй баян этгээд гарна гэсэн үг. Харин бүх хөрөнгийг нь хураавал тэр авлига авахаасаа өмнө эрсдэлээ сайн бодох болно. Манай Чеченьд авлига авсан хүний бүх хөрөнгийг хураагаад тэр мөнгөөр нь сургууль, цэцэрлэг барьж, зам засан, хүмүүст туслах үйл ажиллагаанд зориулдаг. Түүнийг шоронд суулгаад юу өөрчлөгдөх билээ? Харин ч шоронд байх хоол ундыг нь улсаас даах болно. Харин бүх хөрөнгийг нь хураагаад дахин чухал албан тушаалд тавихгүй байх хэрэгтэй. Чеченьд энэ арга маш үр дүнтэй байгаа. Хүмүүс авлига авсан хүнийг ажлаас нь халж, шоронд хийгээд зогсохгүй, байгаа бүх юмыг нь хураан авч байгааг хараад авлига авахаас айдаг болсон” гэж ярьсан байна.
