-CCTV: ХАЧА Тайвань арлын эргэн тойронд гурван бүсэд тэнгисийн цэргийн томоохон сургуулилт хийж эхэллээ-
Хятадын Ардын чөлөөлөх арми Тайвань арлын эргэн тойронд байгаа усан бүсийн зургаан орон зайн гуравт нь тэнгисийн цэргийн томоохон сургуулилт хийж эхэлжээ. Энэ тухай Хятадын телевизийн CCTV суваг мэдээлэв. Түүнчлэн арлын эргэн тойрны агаарын орон зайд мөн сургуулилит хийж эхэлсэн хэмээн мэдэгдээд байна.
Хятадын цэргийн сургуулилт Тайвань арлын хойд, баруун өмнөд, зүүн өмнөд хэсэгт тэнгис, агаарын орон зайд явагдах төлөвтэй байна. Хятадын армийн байлдаанызүүн бүсийн хэвлэлийн төлөөлөгч Ши И хэлэхдээ, Тайванийн хоолойд алсын тусгалын шууд харвах ажиллагаа явуулж, арлын зүүн хэсэгт ердийн пуужингийн туршилтыг хийнэ. Сургуулилтад Chengdu J-20 үл үзэгдэх сөнөөгч онгоцууд оролцож байгааг тэмдэглэжээ.
Тайданийн эргэн тойронд сургуулилалт хийх байрлалууд
Үүнээс өмнө Хятадын армийн зүүн бүсийн цэргийнхэн Тайванийн ойролцоо цуврал цэргийн ажиллагаа явуулахаа зарласан. Сургуулилт наймдугаар сарын 2-ны мягмар гарагийн орой эхэлнэ хэмээн тодотгосон.. Тодруулбал, Тайванийн хоолойд цөмийн бус пуужин болон алсын тусгалын харвах туршилтыг хийх юм байна.
АНУ-ын Төлөөлөгчдийн танхимын дарга Нэнси Пелоси Тайваньд хүрэлцэн ирсний дараа Хятадын ГХЯ АНУ-ын төлөөлөгчийн айлчлалыг эрс буруушаав. Тэд арал дээр АНУ-ын том эрх мэдэлтэн ирсэн нь нэг Хятадын зарчим, түүнчлэн Хятад-Америкийн мэдэгдэлд тусгагдсан заалтуудыг зөрчиж байна гэжээ.
Сануулахад Global Times "Тайваний хоолойд алсын тусгалын байлдааны ажиллагаа явуулахад эх газраас шууд Тайвань дахь байг онох алсын тусгалын олон пуужин харвагч багтах магадлалтай" гэж бичжээ.
Түүнчлэн энэ бүхэнтэй зэрэгцэн Хятад улс Тайванхьтай агаарын хилээ хааж мөн зарим экспортдоо хориг тавиад байгаа тухай мэдээлж байна.
Эх сурвалж: Лента болон Интерфакс
