08-р сарын 6-7-ны өдрүүдэд шашин, соёлын “Даншиг наадам-Хүрээ цам 2022” наадам болно. Анх 1639 онд Монголын бурхан шашны тэргүүн, анхдугаар Богд Жавзандамба хутагтыг ширээнд залах үеэс даншиг наадмыг эхлэлтэй гэж үздэг.
2015 онд Их хүрээнд тэмдэглэдэг байсан Даншиг наадмыг сэргээхээр Монголын Бурханы шашны сүм хийдүүд, Нийслэлийн Засаг даргын Тамгын газартай хамтран Хүрээний даншиг наадмыг зохион байгуулж хийсэн байдаг.
Энэ жилийн тухайд Хүрээ цам наадмын хөтөлбөрт хурдан морьдын уралдаан, бөхийн барилдаан, сурын харваа зэрэг олон үйл ажиллагаа болох бөгөөд урьд жилүүдээс зохион байгуулалтын хувьд онцлох зүйл нь жороо морины уралдаан байх аж.
