АНУ-ын Ерөнхийлөгч Жо Байден коронавирусын хүнд халдвар авах эрсдэлтэй хүмүүст хэрэглэхийг зөвлөдөг вирусын эсрэг Паксловид эм хэрэглэж байна гэж Цагаан ордны хэвлэлийн нарийн бичгийн дарга Карин Жан-Пьер мэдэгдэв. Өмнө нь Байден SARS-CoV-2 вирусын халдвар авсан нь тодорхой болсон юм.
Ерөнхийлөгч Байден вакцинд бүрэн хамрагдсан бөгөөд дахин хоёр удаа вакцин хийлгэсэн. Энэ тохиолдолд Паксловид эмийг эрт хэрэглэх нь өвчний хүнд явцаас нэмэлт хамгаалалт болдог гэж Жан-Пьер мэдэгдэлдээ дурджээ.
Байденыг Өвчний хяналт, урьдчилан сэргийлэх төвийн (CDC) зөвлөмжийн дагуу тусгаарлаж байгаа гэж хэвлэлийн төлөөлөгч тодруулав.
Долдугаар сарын эхээр ДЭМБ-ын тэргүүн Тедрос Адханом Гебрейюс хэлэхдээ, өнгөрсөн хоёр долоо хоногт дэлхий даяар коронавирусын халдварын тохиолдол 30 хувиар нэмэгдсэн гээд ДЭМБ-ын зургаан бүс нутгийн дөрөвт нь коронавирусын халдварын тохиолдол нэмэгдэж байгаагмэдэгдсэн юм. Үүнтэй холбогдуулан Гебрейюс дэлхийн улс орнуудад акцинжуулалтын кампанит ажил, түүний дотор нэмэлт тунг нэмэгдүүлэхийг уриалаад байгаа юм.
Эх сурвалж: News.ru