
Брюссель дэх Европын Холбооны төв байрт хуралдсан Европын Холбооны гишүүн орнуудын гадаад харилцааны сайд нарын хурлаар өмнөх долоо хоногт дэвшүүлсэн ОХУ-аас шижир алт импортлохыг хориглох тухай санаачилгыг зөвшөөрөн дэмжсэн байна.Үүний зэрэгцээ мөн өдрийн хурлаар Украинд зэвсэг нийлүүлдэг гишүүн орнуудын зэвсэг техникээ солиход нь зориулан 500 сая евро олгохоор шийдвэрлэжээ. Ингэснээр Европын Холбооноос Украинд олгосон цэргийн тусламж нийт 2.5 тэрбум еврод хүрчээ. Мөн "Дайн үргэлжилж байгаа цагт зэвсэг хангасаар байх болно" гэж Европын Холбооны Гадаад харилцаа, аюулгүйн бодлого хариуцсан дэд төлөөлөгч Жозеп Боррель хурлын дараа мэдэгдсэн байна.