Хан-Уул дүүргийн 20 дугаар хороо, “Мишээл-Экспо'' урд “Туул” голын салаанд 1 хүүхэд живлээ гэсэн дуудлагыг ОБЕГ-т 15:33 цагт өгчээ.
Нийслэлийн аврах ангийн алба хаагчид тухайн газар 15:54цагт очиж, 3 метрийн гүнд 4 удаагийн шумбалт хийжээ. Усанд живсэн Хан-Уул дүүргийн харьяат 15 настай хүүгийн цогцосыг 16:00 цагт олсон бөгөөд цогцсыг олж гарган Цагдаагийн байгууллагад шилжүүлэн өгсөн байна.
Өнгөрсөн баяр наадам амралтын өдрүүдэд Төв, орон нутгийн Онцгой байдлын байгууллагын алба хаагчид усны ослын 18 удаагийн дуудлагаар амь насаа алдсан 21 иргэнийг эрэн хайх ажиллагааг зохион байгуулан, 20 иргэний цогцсыг олж Цагдаагийн байгууллагад хүлээлгэн өгсөн бол 1 иргэнийг эрэн хайх ажиллагаа үргэлжилж байна. Эдгээр иргэдийн 18 нь том хүн, 3 нь хүүхэд байгаа юм.
