ОХУ-ын Ерөнхийлөгчийн хэвлэлийн нарийн бичгийн дарга Дмитрий Песков өчигдөр мэдээлэл хийхдээ "ОХУ-ын ерөнхийлөгч Владимир Путин 19-нээс Ираны Тегеранд ажлын айлчлал хийж, Сирийн асуудлыг зохицуулах Астанагийн форматын дээд хэмжээний уулзалтад оролцох болно" гэжээ.
Астанагийн форматын дээд хэмжээний уулзалтын үеэр В.Путин бусад орны удирдагчтай хоёр талын хэлэлцээ хийхээр төлөвлөжээ. Мөн Иран, Турк, ОХУ-ын төрийн тэргүүн нар Тегеранд уулзах нь маш чухал бодит ач холбогдолтой бөгөөд бүс нутгийн болон олон улсын асуудлыг ярилцах сайхан боломж хэмээн мэдэгдсэн байна.
