Хятад улсаас Шри-Ланкад олгосон хоёр дахь ээлжийн хүмүүнлэгийн яаралтай тусламжийн үр тариа энэ сарын 14-нд зорисон газраа очжээ. Хятадын тал цаашид ч засгийн газар, хүмүүнлэгийн байгууллага зэрэг олон арга замаар Шри-Ланк улсад олон удаагийн, тал бүрийн, иргэдийн амьдралд нь тустай дэмжлэг туслалцаа хангах болно гэж Хятадын ГХЯ-ны хэвлэлийн төлөөлөгч Ван Вэньбинь 15-нд хийлгэсэн ээлжит хэвлэлийн бага хурал дээр хэлжээ.
Тэрбээр "Найрсаг хөршийн хувьд Хятадын тал Шри-Ланкад нүүрлэсэн хүндрэл бэрхшээл, сорилтыг нь нягт анхаарсаар ирсэн бөгөөд боломж чадлынхаа хүрээнд Шри-Ланкийн эдийн засаг нийгмийн хөгжилд туслалцаа олгосоор ирлээ. Сүүлийн хэсэг хугацаанд Хятадын тал Шри-Ланкад 500 сая юанийн хүмүүнлэгийн яаралтай тусламжийг олгоно. Мөн Шри-Ланкийн талтай зөвшилцөн, Хятад улстай хамаатай хугацаа нь дууссан өрийг шийдвэрлэж, одоогийн хүндрэл бэрхшээлийг зохицуулахад нь туслах хүсэлтээ илэрхийлсэн. Шри-Ланка улс одоогийн хүндрэл бэрхшээлээ шийдвэрлэх, өрийн дарамтаа намжаах, тогтвортой хөгжилд хүрэхэд нь холбогдох орнууд болон олон улсын банк санхүүгийн байгууллагын хамт эерэг үүрэг гүйцэтгэхэд Хятадын тал бэлэн байна” гэжээ
