АНУ-ын Ерөнхийлөгч Ж.Байден, Их Британийн Ерөнхий сайд Борис Жонсон, Канадын Ерөнхий сайд Жастин Трюдо нар Донбасс дахь ОХУ-ын довтолгоог эсэргүүцэх зорилгоор Украины армид илүү олон том оврын их буу, танк эсэргүүцэгч жавелен пуужин нийлүүлэхээ амлав. АНУ Украинд 200 ширхэг хуягт тээвэрлэгч, 11 “Ми-17” нисдэг тэрэг, 18 их буу, 300 “Switchblade” бөмбөгдөгч дрон, 500 “Javelin” пуужин нийлүүлэх аж.
ХБНГУ-ын Канцлер Олаф Шольц Украиныг зэвсэглэх хоёр тэрбум евро гаргаж өгсөн талаар Сангийн сайд Кристиан Линднер өчигдөр мэдэгдсэн байна. Герман улс Леопард Ай танк 100, М-113 хуягт техник 60-ыг Украины талд нийлүүлэхээр хэлэлцэж байгаа ажээ. Мөн Польш болон Чех улсууд Украинд хуучин ЗХУ-д үйлдвэрлэсэн хуягт техник нийлүүлжээ.
