ОХУ-аас гарч байгаа гадаадын компаниудыг өөрийн улсдаа шилжүүлэн суурьшуулах нөхцөлийг бүрдүүлэх гэсэн Казахстаны төлөвлөгөөг Кремль маш хэвийн зүйл гэж үзэж байна. Энэ тухай ОХУ-ын Ерөнхийлөгчийн хэвлэлийн нарийн бичгийн дарга Дмитрий Песков мэдэгдсэнийг РИА Новости мэдээлэв.
Песковын хэлснээр дэлхийн аль ч улс орон гадаадын хөрөнгө оруулагчдад тав тухтай нөхцлийг бүрдүүлэхийг хичээх нь туйлын хэвийн үзэгдэл юм. Үүнийг бүх улс, тэр дундаа Орос улс ч хийдэг гэж Путины хэвлэлийн төлөөлөгч мэдэгдэв.
Песков нэмж хэлэхдээ, олон фирмүүд урьд өмнө хэзээ ч байгаагүй дарамт шахалттай тулгарч байгаа тул ОХУ-аас гарахаас өөр аргагүйд хүрч байна.
"Харамсалтай нь энэ бол бидний ажиллаж, амьдарч буй бодит байдал" гэж Кремлийн хэвлэлийн төлөөлөгч хэлэв.
Казахстан Оросын зах зээлээс гарч буй гадаадын компаниудад таатай нөхцөл бүрдүүлэхээр төлөвлөж байгаа талаар өмнө нь мэдээлж байсан. Ийм тушаалыг тус улсын Ерөнхийлөгч Касым-Жомарт Токаев Засгийн газарт өгсөн байна. Түүний хэлснээр, гадаадын хоёр дахь компани бүр ОХУ-д үйл ажиллагаагаа зогсоосон эсвэл ийм хүсэл эрмэлзэлтэй байгаагаа зарласан тул одоо хөрөнгө оруулалтын хөрөнгийн төлөөх тэмцэл өрнөж байна гэжээ.
Эх сурвалж: АиФ
