АНУ-ын Ерөнхийлөгч Жо Байдены Саудын Арабт хийх айлчлал нь түүний хувьд "том шившиг" болж хувирна гэж Америкийн Fox News сувгийн хөтлөгч Стюарт Варни мэдэгдэв.
Түүний хэлснээр, аяллын үеэр Америкийн удирдагч Эр-Риядаас газрын тос нэмж гуйх бодолтой байгаа ч энэ нь бараг бүтэшгүй юм.
Өмнө нь Их долоогийн дээд хэмжээний уулзалтын үеэр Францын Ерөнхийлөгч Эммануэль Макрон Персийн булангийн орнууд газрын тосны олборлолтоо нэмэгдүүлэх боломжгүй тухай Байденд хэлсэн гэж телевизийн хөтлөгч дурдав.
Хэрэв Саудын Араб Байдены гуйлтыг зөвшөөрлөө гэхэд ОПЕК+-ийн зөвшөөрлийг бас авах ёстой, үүнд Орос ч багтана гэж Варней онцолжээ.
"Ерөнхийлөгч энэ аяллын дараа их хэмжээний тос авч чадахгүй байх гэж бодож байна, энэ нь түүний хувьд маш их эвгүй байдалд оруулж болзошгүй юм" гэж тэрбээр нэмж хэлэв.
Өмнө нь Politico сэтгүүлийн тоймч Арианна Скибелл Цагаан ордны тэргүүний Саудын Арабт хийсэн айлчлал нь АНУ-д шатахууны үнийн дээд өсөлтийг бууруулж чадахгүй гэсэн байр суурийг илэрхийлжээ.
Эх сурвалж: АиФ
