Нийслэлийн Мэргэжлийн хяналтын газрын хяналт шалгалт Хүйн долоон худагт үргэлжилж байна. Хоол үйлдвэрлэлийн 68 ААН, хүнсний худалдаа эрхлэгч 35 ААН, иргэн нийт 103 ААН, иргэний үйл ажиллагаанд хяналт шалгалт хийлээ. Шалгалтаар бэлэн болсон бүтээгдэхүүн хоол зуушнаас 150 граммаас доошгүй хэмжээтэй дээж авч бүртгэн, 6-8 хэмтэй хөргөгчинд 48 цаг хадгалж, 48 цагийн дараа дээжийг устган бүртгэл хөтлөх, нэг удаагийн бээлий, амны хаалт зэргийг хэрэглэж, гарын ариун цэврийг чанд сахиж, гар угаах угаалтуурыг тогтмол ашиглан, малгайг өмсөхдөө үсээ бүрэн далдалж, ээмэг, бөгж, цаг бугуйвч зүүхгүй байх, халуун хоол хуушуурыг стандартын шаардлага хангасан нэг удаагийн сав, цаасан уутанд хийж өгөх, хуушуурын тосыг бохирдсон тухай бүр сольж, хуучирч бохирдсон тосонд хуушуур шарахгүй байх зэрэг мэргэжил арга зүйн зөвлөгөө өгч ажиллалаа. Зөвшөөрөлгүй бүсэд хүнсний худалдаа эрхлэгч 4 иргэнийг, зохион байгуулагч Монгол наадам цогцолборын холбогдох албан тушаалтантай холбож, зохих журмын дагуу зөвшөөрөл өгөх талаар зөвлөж ажиллалаа. Явуулын лабораторид хүнсний бүтээгдэхүүний худалдаа эрхлэгч 4 иргэний худалдаалж буй айрагны дээжид шинжилгээ хийсэн бөгөөд шинжилгээгээр эрүүл ахуйн шаардлага хангаагүй эерэг сорьц байхгүй гэж НМХГ-аас мэдээллээ.
