Улсын баяр наадам, аялал, амралтын бүсэд зорчих хөдөлгөөн эрс нэмэгдсэн энэ үед цагдаагийн байгууллагаас цагийн менежментээр хяналт шалгалт зохион байгуулж байгаа бөгөөд 2022 оны 07 дугаар сарын 11-нд буюу өчигдөр тээврийн хэрэгслийн зөвшөөрөгдөх хурдыг хэтрүүлсэн 415 зөрчил илрүүлж газар дээр нь хариуцлага тооцжээ.
Орон нутгийн замд 50 гаруй цэгт 100 гаруй алба хаагч, мөн цагийн менежментийн 89 цэгт 185 алба хаагч, хөдөлгөөний аюулгүй байдлыг ханган замын хөдөлгөөний дүрмийн хэрэгжилтэд хяналт тавин ажиллаж байна.
Гарч буй осол хэрэг түүнээс үүдэлтэй хүний амь нас, эрүүл мэндэд учирч байгаа хохиролыг багасгахад анхаарч цаашид цагдаагийн байгууллагаас хурд хэтрүүлэх зөрчилд газар дээр нь хариуцлага тооцон ажиллах юм байна.
