Сүхбаатарын талбайд “Монголдоо сайхан амьдаръя” уриатай жагсаал, цуглааны үеэр жагсаалыг албадан тараах үеэр цагдаагийн хошууч цолтой нэгэн албан хаагч иргэнийг өшиглөж буй дүрс бичлэг цахим сүлжээнд цацагдсан билээ. Олон нийтийн бухимдлыг төрүүлж, жагсаалыг улам хүчирхэг болгож өгсөн энэхүү асуудал АТГ-т шалгагдаж эхэлсэн байна.
Уг жигшүүрт үйлдлийг гаргасан хүн бол Чингэлтэй дүүргийн цагдаагийн газрын нэгдүгээр хэлтсийн Нийтийн хэв журам хамгаалах тасгийн дарга, цагдаагийн хошууч Б.Дулмаадорж ажээ. Цагдаагийн байгууллагаас хуулийн дагуу дотоод хяналт, шалгалтын ажиллагаа явуулж, ёс зүйн зөрчил гаргасан нь тогтоогдсон тул материалыг харьяаллын дагуу АТГ-т шилжүүлжээ.
