Ховд аймгийн Хөдөө аж ахуйн салбарт бизнес эрхлэгчдийн дунд “Ногоон ажлын байр-Ногоон эдийн засаг” дэд хөтөлбөрийг хэрэгжүүлэхээр төлөвлөөд байна.
Тус хөтөлбөрийн үйл ажиллагааг Ховд аймгийн ЗДТГ, Германы олон улсын хамтын хжиллагааны нийгэмлэг (GIZ)-ийн “Эдийн засгийн өсөлт, бизнес эрхлэлтийг дэмжих” (PROGRES) төсөл, “Шинэ Ховд” баруун бүсийн хөгжлийн корпорацийн дэргэдэх “Шинэ Ховд бизнес хөгжлийн төв” хамтран нэг сарын хугацаанд хэрэгжүүлэх аж.
Хөтөлбөрийн зорилго нь хөдөө аж ахуйн салбарын бизнес эрхлэгчдэд тогтвортой хөгжил, ногоон хөгжлийн үзэл санааг түгээн дэлгэрүүлэх, тогтвортой үйлдвэрлэл, хэрэглээг дэмжих замаар ногоон ажлын байр бий болгож, орон нутгийн ногоон эдийн засгийн хөгжилд хувь нэмрээ оруулах явдал гэж албаныхан онцоллоо.
Хөтөлбөрийн агуулгын хувьд дөрвөн удаагийн сургалт зохион байгуулна. Үүнд оролцогчид тогтвортой хөгжлийн үзэл баримтлал, ногоон хөгжил, ногоон эдийн засаг, ногоон ажлын байр, хөдөө аж ахуйн салбарын бизнес төслийг хэрхэн боловсруулах арга зүйн талаар суралцах аж.
Бүртгэлийн хугацаа 2022 оны дөрөвдүгээр сарын 19-24-ний өдрийн 13.00 цаг хүртэл үргэлжилж байна. Цахим бүртгэлийн линк гэвэл “Untitled form - Google Forms” юм.
Энэхүү хөтөлбөртэй холбоотой дэлгэрэнгүй мэдээллийг 88081378, 99081378 утсаар лавлах боломжтой.
