Санфранциско дахь ерөнхий консулын газар “Хайрхаан”, “Миний өссөн монгол ахуй”, “Сайн ноён ханы хүрээний түүх” зэрэг номын зохиолч, доктор Ширчингийн Баатартай “Зохиолчтой хийх уулзалт”-ыг энэ сарын 16-нд зохион байгуулав.
Бэй Ареагийн монголчуудын холбоо, “Номын садан клуб”-тэй хамтран зохион байгуулсан уулзалтад номын гол баатар, Говийн догшин хутагтын сүүлчийн шавь Намжилдорж да ламын шадар шавь Дашийн Лувсанхайдав хүрэлцэн ирж оролцсон юм.
Сүүлийн үед борлуулалтаараа шилдэг номын жагсаалтад орж буй тус номын зохиолч Ш.Баатар “Лувсанхайдав гуай "Амьдарна гэдэг үхэхээс бусдыг үзэхийг хэлдэг юм аа, Ээ Хайрхаан!" гэж хэлдэг юм. Монголчууд хэцүү зүйл тохиолдвол Хайрхаан гэдэг шүү дээ” хэмээн энэхүү номоо нэрлэжээ.
Хүний нутагт яваа хүмүүс их тэвчээртэй, хүлээцтэй байж, уурын мунхгийг барьж чадсанаараа аливаа бэрхшээлийг туулдаг байсан тухай "Хайрхаан" номд олон удаагийн сургамжтай зүйлийг тодорхой бичсэн байна.
