Өчигдөр УИХ-ын чуулганы нэгдсэн хуралдаан эхлэхэд Т.Аюурсайхан гишүүн их л ууртай байлаа. ҮХЦ-ийг өмнөх шийдвэрээсээ ухарч, няцсан шийдвэр гаргасан. Хууль зөрчсөн тухай дурьдаж, цэцийн хуралдаан дээр УИХ-ын шийдвэрээ хамгаалах гэж очсон С.Бямбацогт гишүүнийг хүртэл хардаж, нэлээн бухимдангуй байх сууриа илэрхийлсэн.
Ийнхүү байр сууриа илэрхийлэх явцдаа Т.Доржханд гишүүнийг төрийн эрх бариад байгаа юм уу хэмээн бухимдангуй асуугаад авна лээ. Тэрбээр "Яахлаараа, энэ бүх юм одоо нууцаар явж байдаг юм. Яахлаараа бид нар шийдвэр гарсан хойно нь мэдэж байдаг. Яахлаараа, үндэсний их баяр наадмын өмнө нь ард иргэдээ одоо ес хоног амруул гэж ингэж тараачхаад. Амралтын зуны цагт энэ асуудлыг шийдчихдэг юм. Яахлаараа, ийм цаг үед сонгогчийн эрхэд шууд халдсан эрхийг дордуулсан ийм шийдвэрийг хууль бусаар хуйвалдааны зарчмаар гаргаж байдаг юм.
Тэгээд энэ Доржханд гэдэг хүмүүс одоо төр бариад байгаа юм уу? Хэн төр бариад байгаа юм. Би сүүлдээ ерөөсөө ойлгохоо болиод байгаа юм. Ийм ноцтой асуудлууд яваад байна шүү дээ. Бид нар энэ дээр одоо яах ёстой юм. Зүгээр байх ёстой юм уу? Маш их бухимдалтай байна шүү дээ.
Анх энэ гомдлыг нь гаргасан тэр депутат Банзрагч гуай, яагаад тэр хуралд нь оролцуулдаггүй юм. Яахлаараа, тэрийг хэлдэггүй юм. Маш олон асуудлууд байна шүү дээ. Энэ дээр одоо та байр сууриа илэрхийлээч. Яахлаараа, С.Бямбацогт гэдэг хүнийг томилсон юм. Энэ хууль бус ийм асуудал болж байхад яахлаараа энэ итгэмжлэгдсэн төлөөлөгч томилох боломжгүй байна аа. Улсын их хурал үндсэн хуулийн цэцийн чинь шийдвэрийг хүлээж авсан учраас энэ дунд суудлын хуралдааны шийдвэр чинь эцсийн болж байгаа юм аа. Их хурлын 2016 оны 38-р тогтоолоор баталгаажиж байгаа юм аа. Итгэмжилэгдсэн төлөөлөгч томилох боломжгүй байна аа гэх ёстой шүү дээ. Яахлаараа Бямбацогт нь очоод УИХ-ынхаа шийдвэрийг хамгаалдаггүй улам эсрэг ажилладаг юм” гэв.
