Хотын дарга Д.Сумъяабазар хөдөө орон нутгаас Улаанбаатарт ирэх иргэдийн шилжилт хөдөлгөөнийг 2027 он хүртэл зогсоох санал гаргасан талаар бид мэдээлсэн. Тодруулбал, нийслэл хот хүн амын ачааллаа даахаа больж, авто замын түгжрэл, агаарын бохирдолтой байгаа тул шилжилт хөдөлгөөнийг хязгаарлах нь зүйтэй гэж үзсэн.
Эл саналыг өнөөдөр буюу долоодугаар сарын 1-нд Нийслэлийн иргэдийн төлөөлөгчдийн хурлаар хэлэлцсэн юм. Энэ үеэр санаачлагч талаас уг тогтоолын төслийг буцаан татсан байна. Эх сурвалжийн мэдээлж буйгаар, НИТХ-ын төлөөлөгчдийн дийлэнх нь тус тогтоолын төслийг Үндсэн хууль дахь хүний эрхийн заалтыг зөрчсөн гэж үзэн, дэмжээгүй аж.
