Засгийн газрын ээлжит хуралдаанаас гаргасан шийдвэртэй холбогдуулан Монголын Хөрөнгийн биржийн Гүйцэтгэх захирал Х.Алтай мэдээлэл өгөв.
Тэрбээр "Төрийн өмчит 25 компанийг Хөрөнгийн биржээр дамжуулан олон нийтийн хяналтад оруулах шийдвэр гарлаа. Төрийн өмчит компаниудыг хувьцаат компани болгохоос гадна Банкны тухай хуульд нэмэлт өөрчлөлт оруулсан нь төрөөс гаргасан нэг чухал шийдвэр болсон.
Ингэснээр Монголын арилжааны банкууд, тэр дундаа системийн таван банк ирэх оны зургаадугаар сарын 30-наас өмнө олон нийтийн хяналтад шилжинэ. Энэ бүх үйл явдал Хөрөнгийн биржээр дамжиж хийгдэнэ. Тэгэхээр Хөрөнгийн бирж олон нийтэд нээлттэй компани болсноор энэхүү том шинэчлэлийг илүү амжилттай явуулна" гэлээ.