Улаанбаатар хотын сонгуулийн насны 1020 иргэнээс квотчилсон санамсаргүй түүврийн аргачлалаар судалгааны МЕС агентлаг Үндсэн хуульд нэмэлт өөрчлөлт оруулах талаарх тэдний байр суурийг нь сонсчээ.
Судалгаанд оролцогчдын 47 хувь нь Үндсэн хуульд нэмэлт өөрчлөлт оруулахыг “дэмжихгүй” гэсэн бол 12 хувь нь “мэдэхгүй” гэж хариулсан байна. Харин 41 хувь нь “дэмжинэ” гэжээ.
Гишүүдийн тоог нэмэх талаар иргэдийн 41 хувь нь дэмжиж байна, 22 хувь нь дэмжихгүй гэж хариулсан ч 37 хувь нь үнэлж мэдэхгүй гэжээ. УИХ-ын сонгуулийг холимог тогтолцоогоор явуулах, Засгийн газрын гишүүн байж болох УИХ-ын гишүүний тоог нэмэх асуудлаар ч иргэдийн дийлэнх нь үнэлж мэдэхгүй байна гэсэн хариулт өгсөн байгаа юм.
Судалгаанаас УИХ-ын зүгээс Үндсэн хуулийн нэмэлт өөрчлөлтийн талаар иргэдэд хангалттай мэдээлэл өгөлгүй зөвхөн 76 суудлын хүрээнд хүч түрэн шийдэх сонирхол зонхилж байгаа нь илт байна.
