Сүүлийн өдрүүдэд нийгэмд хүчтэй шуугианы сэдэв болоод байгаа БНХАУ-аас зээлнэ, зээлэхгүй гэгдэж байгаа 655 сая ам.долларын асуудлаар цахим орчинд идэвхитэй эрхмүүдийн нэг Б.Жаргалсайхан өөрийн үзэл бодлыг илэрхийллээ. Тэрбээр:
"Ерөнхий сайд Л.Оюун-Эрдэнэ "Манай Засгийн газар Хятадаас зээл авахгүй ээ. Зээл авах асуудал яригдахгүй" гэж мэдэгдэл хийсэн. Гудамжинд зээл авахыг эсэргүүцэж жагсаж байсан Иргэний хөдөлгөөн эргэлзэхэд хүрсэн. УИХ-ын байнгийн хорооны гишүүд "Өө засаг чинь Хятадаас биш ч Дэлхийн банкнаас 665 сая ам.доллар авах юм байна" хэмээн шуугиж гарав. Үүнээс үүдэн Сангийн яам бие даан Улсын баяр наадам далимдуулан 665 сая ам.доллар авахаар болсон уу гэсэн асуулт гарч ирнэ. Мөн Засгийн газрын тэргүүн зээл авахыг мэдээгүй юу, Сангийн яам нууцаар шийдэв үү асуулт гарч ирнэ. Хэний шийдвэрээр 665 сая ам.доллар авахаар улайрав. Хулгай хийхийг санаархсан уу гэсэн асуултууд гарч ирэх юм" гэв.