Энэ залууг өндөр боловсролтой, тулхтай хүн, ирээдүйтэй улс төрч болно гэж итгэж байсан. Алдсангүй шүү. УИХ дахь МАНАН бүлэглэл ХҮН-ын Т.Доржханд гэг гар хөлөөрөө халхавч хийж, Үндсэн хуулийг өөрчлөхөөр тохирч, Үндсэн хуулийн цэц өмнөх шийдвэртэйгээ зөрчилдсөн шийдвэр гаргаж, ҮХНӨ-ийг хийх замыг зассан аюултай байдал үүссэн үед УИХ-ын гишүүн Т.Аюурсайхан ҮХНӨ хууль зөрчих гэж байгааг анхаарууллаа!
Ард түмэнд одоо найдвар төрж байна. Шударга ёсны талд зогссон залуу улс төрч танд баярлалаа!
Т.Аюурсайхан цахих хаягандаа ингэж бичжээ: "Хэрвээ ХҮН биш ХУУЛЬ засагладаг бол, хэрвээ төрийн толгойд НАМ бус, ХУУЛЬ оршдог бол:
Монгол Улсын Үндсэн хуулийн Арван зургадугаар зүйл: Монгол Улсын иргэн дараахь үндсэн эрх, эрх чөлөөг баталгаатай эдэлнэ: 9/ …Төрийн байгууллагад сонгох… эрхтэй.
Хорин нэгдүгээр зүйл: 2. Улсын Их Хурлын гишүүнийг Монгол Улсын сонгуулийн эрх бүхий иргэд нийтээрээ, чөлөөтэй, шууд сонгох эрхийн үндсэн дээр саналаа нууцаар гаргаж, дөрвөн жилийн хугацаагаар сонгоно. гэж заасан.
Монгол Улсын Үндсэн хуульд нэмэлт өөрчлөлт оруулах журмын тухай хуулийн 5.4.3.Үндсэн хуульд оруулах нэмэлт, өөрчлөлт нь Үндсэн хуулиар хүлээн зөвшөөрсөн хүний үндсэн эрх, эрх чөлөөг дордуулсан, төрийн эрх мэдлийг хуваарилсан зарчмыг үгүйсгэсэн байж болохгүй; гэж заасан.
Ийм учраас ЕРӨНХИЙЛӨГЧИЙГ ПАРЛАМЕНТААС СОНГОХ, мөн түүнчлэн УИХ-ын сонгуулийн ХУВЬ ТЭНЦҮҮЛСЭН ТОГТОЛЦОО нь Ерөнхийлөгчийг, мөн түүнчлэн УИХ-ын гишүүнийг ШУУД СОНГОДОГ Үндсэн хуульд заасан иргэний үндсэн эрхийг ДОРДУУЛАХ учраас Үндсэн хуулийн нэмэлт өөрчлөлтөөр хүчин төгөлдөр хуулийн хүрээнд хийж БОЛОХООРГҮЙ байна."