"Манчестер Юнайтед” багийн довтлогч Криштиану Роналду саяхан мэндэлсэн ихэр хөвгүүдийнхээ нэгийг алджээ. Энэ талаар К.Роналду, Родригес нар өөрсдийн цахим хуудсаар дамжуулан туйлаас харуусан гашуудаж буйгаа илэрхийлжээ.
Тэрбээр цахим хуудсандаа "Хүүхэд минь хорвоог орхисонд бид гүнээ харамсаж байна. Энэ бол эцэг эхчүүдэд тохиолдож болох хамгийн том зовлон. Энэхүү хүнд хэцүү цаг үед бидний хувийн амьдралд халдахгүй байхыг хүсэж байна. Аав ээжийгээ орхин одсон үр минь чи үргэлж бидний сахиусан тэнгэр байх болно. Бид чамайг үргэлж хайрлана" гэжээ.
Супер од Криштиану Роналду өнгөрсөн 10 сард ихэр хүүхэд хүлээж буйгаа мэдэгдэж байсан юм. Гэвч харамсалтай нь шинэ төрсөн ихрийн нэг эндсэн бөгөөд ямар шалтгааны улмаас амиа алдсаныг хараахан зарлаагүй байна.
