"Эрдэнэт үйлдвэр” ТӨҮГ-ын Ерөнхий захирлын орлогч Ц.Бат-Энхийг Төрийн хэмнэлтийн тухай хуулиар ТӨХК, ТӨҮГ-ын орлогч захирлын орон тоог танасантай холбоотойгоор ийнхүү ажлаас нь чөлөөлсөн билээ. Тэгвэл Ц.Бат-Энхийг "Эрдэнэт үйлдвэр"-ийн Хамтын ажиллагаа, нийгмийн асуудал эрхэлсэн Тамгын газрын даргаар томилжээ. Төрийн хэмнэлтийн тухай хуулиа хэрэгжүүлсэн "Эрдэнэт үйлдвэр” ТӨҮГ юуны учир Тамгын газрын нэг даргатай байдаг байгууллага байж өрвөн Тамгын газрын дарга томилсон бэ гэдэг асуулт гарч ирж байна. Төрийн хэмнэлтийн тухай хууль хаана хэрэгжээд байна Ц.Бат-Энх даргад "Эрдэнэт үйлдвэр” ТӨҮГ-д ажиллах ямар эрх ашиг байна вэ?
Ц.Бат-Энхийг чөлөөлсөн шалтгаан болон Сүхбаатар дүүргийн цагдаагийн нэгдүгээр хэлтсээс шалгаж байгаа гэх мэдээллийг эргэн сануулбал.
"Эрдэнэт үйлдвэр” ТӨҮГ-ын Ерөнхий захирлын орлогч Ц.Бат-Энхийг иргэн Э-гээс 500 сая төгрөгийн үнэ хүрэх орон сууц залилсан хэрэгт холбогдуулан Сүхбаатар дүүргийн цагдаагийн нэгдүгээр хэлтсээс шалгаж байгаа гэх мэдээлэл гараад байсан.
Тэгвэл түүнийг “Эрдэнэт үйлдвэр”-ийн ерөнхий захирлын хамтын ажиллагаа, нийгмийн асуудал хариуцсан орлогчийн үүрэгт ажлаас нь чөлөөлжээ. "Эрдэнэт үйлдвэр” ТӨҮГ-ын Ерөнхий захирлын орлогч Ц.Бат-Энхийг Төрийн хэмнэлтийн тухай хуулиар ТӨХК, ТӨҮГ-ын орлогч захирлын орон тоог танасантай холбоотойгоор ийнхүү ажлаас нь чөлөөлсөн гэгдэж буй. Харин түүнийг дээрх шалгагдаж байгаа хэрэгтэй нь холбоотойгоор нь чөлөөлсөн байж магадгүй гэх хардлага ч байгаа юм.
Учир нь "Эрдэнэт үйлдвэр" ТӨҮГ дөрвөн орлогч захиралтай бөгөөд хоёрыг нь бүрэн чөлөөлсөн бол хоёрыг нь өөр албанд томилсон байна. Тодруулбал, Т.Батмөнхийг Ерөнхий инженер, Д.Үүрийнтуяаг Тамгийн газрын даргын албан тушаалд томилсон бол Ц.Бат-Энх, П.Энхбат нарыг бүрэн чөлөөлсөн байгаа юм.
Ц.Бат-Энх нь нийслэлийн Өмчийн ашиглалт, удирдлагын газрын дэд дарга, Зам, тээвэр хөгжлийн яамны Төрийн нарийн бичгийн дарга, "Эрдэнэт"үйлдвэрийн Ерөнхий захирлын орлогч, МАН-ын нарийн бичгийн даргаар ажиллаж байсан бөгөөд 2021 оны наймдугаар сард “Эрдэнэт үйлдвэр”-ийн орлогч захиралаар томилгдсон байдаг" юм.
