Триатлоны олон улсын тэмцээн БНСУ-ын Чүнчонбүг хотод энэ сарын 26-нд боллоо. Тус тэмцээнд Монгол Улсаа төлөөлөн оролцсон олон улсын мастер Б.Мөнгөнтуяа 2:42.05 секундийн амжилтаар мөнгөн медаль хүртлээ.
Гурав дахь удаагаа зохион байгуулагдаж буй тус тэмцээнд хөнгөн атлетикч Б.Мөнгөнтуяа 30-34 насны ангилалд өрсөлдсөн юм.
Сонирхуулахад, Б.Мөнгөнтуяа “Бээжин-2008” олимпын наадамд хөнгөн атлетикийн төрөлд эх орноо төлөөлөн амжилттай оролцож байв.