Татвар төлөгчдийн 400 орчим тэрбум төгрөгөөр хэрэгжүүлэх нийслэлийн авто замын түгжрэлийг бууруулах цогц ажлын тухай мэдээллийг Төрийн болон албаны нууцын тухай хуульд 10 дугаар зүйлийн 10.1.5-д заасныг үндэслэн Засгийн газрын тогтолоор нэмэлт МАШ НУУЦ зэрэглэлд оруулах саналыг Хотын удирдлагуудаас Хууль зүй Дотоод хэргийн яамаар дамжуулан гаргасан нь Засгийн газрын хуралдаанаар орж дэмжигдсэн гэв үү?
Өнөөдрөөс нэг жилийн өмнө буюу 2021 оны 6 сарын 21-ны өдөр Хотын дарга Д.Сумъяабазар ikon .mn сайтад өгсөн ярилцлагадаа “Хотод өрнөх шинэ бүтээн байгуулалт, түгжрэлийг бууруулах хөтөлбөрийг бүхэлд нь Үндэсний аюулгүй байдлын зөвлөлөөр хэлэлцэж, улсын нууцад оруулаач” гэдэг хүсэлт гаргасан хэмээн мэдэгдэж, ингэхдээ бүтээн байгуулалтын ажлыг биш Стратеги төлөвлөгөө, санхүүжилт босгох арга зам зэрэг процессийг улсын нууцад оруулах саналтай байгаагаа дурьдсан байдаг.
Тэгвэл энэ үйл явдлаас яг жилийн дараа буюу 2022 оны 6 сард Хотын захиргаа Хууль зүй, дотоод хэргийн яамаар дамжуулан “Нийслэл хотын түгжрэлийг бууруулах ач холбогдол бүхий томоохон бүтээн байгуулалт болон нийтийн тээврийн шинэчлэл, зам тээврийн удирдлагийн цахим хяналт, мэдээллийн системийг шинэчлэх ажлын худалдан авах үйл ажиллагааг нууцлах” саналыг Засгийн газрын хуралдаанд оруулан тогтоол гаргуулахаар санал боловсруулжээ.
Өөрөөр хэлбэл замын түгжрэлийг буурлахтай холбоотой асар өндөр өртөгтэй бүтээн байгуулалтын ажлуудыг МАШ НУУЦ нэрийн дор тендергүй сонгон шалгаруулах, шууд гэрээлэх байдлаар гүйцэтгүүлэх, ингэхдээ 20 жилийн хугацаанд нууцад байлгах саналыг ХЗДХЯ, Хотын захиргаа гаргажээ.
Бас үүнийгээ талбарлахдаа Нууцын хуульд дурьдагддаг “…зэвсэгт хүчний бие бүрэлдэхүүн, техник хэрэгслийн тоо хэмжээ болон ус хангамжийн эх үүсвэр, худалдан авах үйл ажиллагааны нууцалбал зохих хэсэг…” гэдгийг авто замын түгжрэлийг бууруулах бүтээн байгуулалтын ажилтай “хүчээр холбожээ”. Ингэж хэлэхийн учир нь авто замын түгжрэлийг бууруулахад чиглэсэн бүтээн байгуулалын ажилд зэвсэгт хүчнийг дайчлах шаардлагагүй, мөн ус хангамжийн нөөц хэрэглэгдэхгүй.
Хэдийгээр замын цахим хяналт, мэдээллийн системийн ажлыг нууцад оруулж болох ч үүгээр далимдуулан хөнгөн галт зэрэг LRT-ыг барих ажлыг дур мэдэн хэрэгжүүлэх, улс орны өрийн таазад тулах хэмжээнд гаднаас зээл авах, цаашлаад 20 жил зээлээ хугацаанд төлөхөд хүндрэл тулгарах, гадны компанитай шууд гэрээлэн ажил гүйцэтгүүлэх, үүнээс үүдэн үндэсний аюулгүй байдалд эрсдэл тулгарах зэргээс гадна албан тушалатнууд өөртөө болон бусдад давуу байдал бий болгох, ашиг сонирхолоо тусгах зэрэг сөрөг хүчин зүйл үүсч болзошгүй нөхцөл бүрдээд байгаа юм."Цен" ХХК болон “Про” ХХК гэсэн хуулийн этгээд байгуулан Фэйсбүүк цахим хаягаар “мөнгө зээлж, хүүнд нь байранд үнэгүй суулгана” хэмээн зар байршуулж залилан хийж байжээ.
Тодруулбал, Улаанбаатар хотын төвд оффис түрээслэн 2021 оны дөрөвдүгээр сараас 2022 оны зургаадугаар сар хүртэлх хугацаанд 112 иргэнээс нийт 1,631,450,000 төгрөг залилсан байна.
"Нэг жилийн хугацаатай байранд үнэгүй суулгана" гэж итгүүлэн хохирогч нараас 5-50 сая төгрөг авч гэрээ байгуулан түрээсийн байрны 1-3 сарын түрээсийн мөнгийг төлж байранд оруулж итгэл төрүүлж залилжээ.
А.Төгс