Урьд шөнө хүний амь нас хохироосон хоёр гэмт хэрэг орон нутагт бүртгэгджээ. Тодруулбал, “Архангай аймгийн Өндөр-Улаан сумын нутаг дэвсгэрт 47 настай эмэгтэй Д гэрийнхээ гадаа хоолой хэсэгтээ зүсүүлсэн шархтай нас барсан байна” гэх дуудлагын дагуу тус аймгийн цагдаагийн газрын бүрэлдэхүүн хэргийн газарт ажиллахад хохирогчийн нөхрийн хамаатан болох 38 настай, эрэгтэй М гэгч амийг нь хохироож, хэргийн газраас зугтаж, айлын эзэнгүй байранд өөрийгөө хэвлийн тус газраа гурван удаа хутгалсан шархтай байхад нь дайчлан баривчилжээ. Уг хэргийн шалгалтын ажиллагаа үргэлжилж байна.
Мөн “Орхон аймгийн Баян-Өндөр сумын нутаг дэвсгэрт эрэгтэй хүн нас барсан байна” гэсэн мэдээллийг энэ сарын 18-ны 03:44 цагт авч тус аймгийн цагдаагийн газраас шалган 36 настай, эрэгтэй Ж-г хамт архидан согтуурсан 36 настай, эрэгтэй Ч хайчаар дүрж, амь насыг нь хохироосон хэргийг шуурхай илрүүлжээ. Энэ хэрэгтэй мөн архидан согтуурсан үедээ бусдын биед гэмтэл учруулах, амь насыг нь хохироох үйлдэл гарч байгаатай холбогдуулан иргэдийг архи согтууруулах ундааны зүйлийг хэтрүүлэн хэрэглэхгүй байх, ахуйн архидалтаас зайлсхийхийг цагдаагийн байгууллагаас сэрэмжлүүллээ.
