Засгийн газар саяхан Гашуунсухайт-Ганцмод боомтын нүүрс тээвэрт автомат удирдлагатай тээврийн технологийг ирэх сарын 05-аас нэвтрүүлэхээр шийдвэрлэсэн. Тэгвэл энэ ажлын бэлтгэл хэдийнэ эхлээд буй аж. Тодруулбал, AGV-ийн маршрутыг тодорхойлсон тогтоогоод байна. Энэ дагуу эхний удаад автомат удирдлагатай тээврийг хилийн зурвасаас 150 метрийн зайд хоёр гарцаар явуулахаар тогтжээ. Энэ хүрээнд БНХАУ-ын инженерүүд соронзон замыг ирэх амралтын өдрүүдэд тавьж дуусгах юм байна.
Ингэснээр ирэх Даваа гарагт автомат удирдлагатай есөн тээвэрлэгч дээрх замаар нүүрс тээвэрлэж эхлэх бөгөөд туршилтын хугацааны дараа нэгэн зэрэг 40 зам байгуулахаар хэлэлцээ хийж байгаа аж.
Нэг AGV нэг удаагийн тээвэрлэлтээрээ 64 тонн нүүрс тээвэрлэх чадалтай юм байна. Тиймээс уг технологийг нэвтрүүлснээр зөвхөн Гашуунсухайт боомтын экспорт урьдчилсан байдлаар 10 сая тонноор нэмэгдэнэ гэсэн тооцоо гарчээ.