Хятадын өмнөд хэсгийн Гуандун, Фүжянь, Гуанси мужуудад үерийн усны түвшин сүүлийн 50 жилийн дээд хэмжээнээс давжээ. Ийм үер энд хамгийн сүүлд 1961 онд болж байжээ. Үерийн улмаас хоёр мужид улаан зэргийн түгшүүр зарлаад байна.
Синьхуа агентлагийн мэдээлснээр, тус бүс нутагт хэдийнэ 470 сая юанийн буюу 70.2 сая ам.долларын хохирол учирч, 40 мянга гаруй га тариалангийн талбай сүйдсэн байна. Зуны борооны улирлын үеэр Хятадын өмнөд хэсэгт байнга үер болдог ч уур амьсгалын өөрчлөлтөөс шалтгаалж нөхцөл байдал улам хурцдаж байна гэсэн болгоомжлол байдаг. Ойрын өдрүүдэд байдал улам дордож болзошгүйг эрх баригчид анхааруулж байна.
Хятадын Гуандун мужийн Цинюань хотын хүчтэй аадар борооны дараа үерт автсан газрыг агаараас дүрсэлсэн байдал. 2022 оны зургадугаар сарын 22.
Жуулчид Гуйжоу мужийн Хуангуошү хүрхрээний зургийг авч байна. Үерийн үеэр хүрхрээний урсацын хүч эрс нэмэгджээ
Аврагчид Гуандун мужийн Чингюань хотын үерт автсан бүсээс хүмүүсийг нүүлгэн шилжүүлэхэд резинэн завь ашиглаж байна.
Хэнань мужийн Шар мөрөн дээрх Шяоланди усан сан. Ням гарагт орон нутгийн удирдлагууд үерийн улмаас усан сангаас усасгаж эхэлжээ.
Эх сурвлж: ВВС