Украины Батлан хамгаалахын сайд Алексей Резников "Германаас олгосон өөрөө явагч хуягт их буу Украинд ирсэн" гэж нийгмийн сүлжээгээр мэдэгдсэн байна. Украины зэвсэгт хүчний их буугийн анги болон технологийн ажилтнууд 5-р сарын 10-нд Германд очиж PzH 2000 хуягт буугийн сургуулилтад оролцож дадлага хийжээ.
Германы PzH 2000 хуягт их буугийн гол онцлог нь харвахад түргэн, өндөр нарийвчлалттай тул алс зайн объектэд нягтралтай цохилт өгөх боломжтой юм.
Мөн ХБНГУ-ын эрх баригчид Киевт "Гепард" ангиллын өөрөө явагч 30 зенитийн төхөөрөмж, агаарын довтолгооноос эсэргүүцэн хамгаалах “IRIS-T” систем, зэрэг галлагч гурван “Mars” тийрэлтэт системийг сумны хамт болон бусад зэвсгийг нийлүүлэхээр төлөвлөжээ.
Украины арми мөн 22 ачааны машин, "Toyota"-гийн пикап загварын 80 машин, тагнуулын дрон 32 ширхгийг, мөн 100 мянган ширхэг анхан шатны тусламжийн иж бүрдэл хүлээн авахаар болжээ.