Засгийн газрын 2022 оны гуравдугаар сарын 25-ны өдрийн хуралдаанаар Хөтөлийн цемент шохойн үйлдвэрийн хувьчлалыг хүчингүй болгож, Л.Наранбаатарыг үйлдвэрийн захирлаар томилсон билээ.
Улс орон даяар барилгын улирлын сезон эхэлсэн ч цементийн үнэ тэнгэрт тулж, хомсдол үүссэн энэ үед Л.Наранбаатар ажилдаа ч ирэхээ больсон тухай мэдээлэл гарсан. Эх сурвалжийн хэлж буйгаар тэрээр долоо хоног ажилдаа ирээгүй бөгөөд нэг уухаараа хэсэг алга болдог хэмээн ажилчид нь ярьж буй гэнэ.
Тэгвэл Л.Наранбаатар гэнэт цахимд гарч ирэв. Тэрбээр цахим хуудсандаа "Өглөөний мэнд. Өчигдөр МАК, Монцемент 2 үнээ нэмжээ. Монголын нийт цементийн 70-80% хувийг хангадаг тус 2 үйлдвэр нь нөөцөө хадгалж байгаад яг сезоны улиралд үнээ нэмдэг аж. Үйлдвэрүүдэд байдаг л тактик. Задгай цемент Хөтөлд 202мян, МАК 265мян, Монцемент 260мян.₮ байна. Хөтөл үнээ нэмээгүй, хоногт ~1.500-2000 тн цемент борлуулж байна.Хөтөл Д.Эрдэнэбилэгт байхдаа зах зээлийн 15-20 орчим хувийг л хангасаар ирсэн. Хүчин чадалаа нэмэх хөрөнгө оруулалт татаж байж үнийг зах зээл дээр цаашид хазаарлаж чадна. Д.Эрдэнэбилэг Хөтөлийн уурхай, тээвэр болон яг цемент тээрэмдэж үйлдвэрлэдэг чухал хэсэгт нь хөрөнгө оруулалт огт хийгээгүй юм. Хөтөл одоогоор Төрийн өмчид байсан 40 жил болж буй эвдрэл, элэгдэл маш ихтэй 3 тээрэмтэйгээ л ажиллаж байна. Бид зовлон тоочихгүй, нөхцөл байдлаа бодитоор нь үнэлээд, элдэв гүтгэлэг, доромжлол дундуур дайраад зүтгэдгээрээ л зүтгэнэ." гэжээ.