Засгийн газрын ээлжит хуралдааны мэдээллийн цаг
Барилга хот байгуулалтын сайд Б.Мөнхбаатар:
"Барилгын салбарт 2021 оны зургадугаар сараас эхэлсэн үнийн өсөлт олон сорилтыг авчирсан. УИХ-аас 88 дугаар тогтоолыг гаргаж, үүрэг даалгавар өгсөнөөр яамнаас ажлын хэсэг гарган улсын төсвийн хөрөнгө оруулалттай 1153 төсөл арга хэмжээ байгааг тогтоосон. Үүнээс 31-ийг нь хасч, 1122 төсөл арга хэмжээг нэгтгэсэн. Зургадугаар сарын 15-ны байдлаар 271 төсөл, арга хэмжээг хассахаар болсон. Би бол нэгтгэх үүрэгтэй. Хөгжлийн төвүүдтэй хамтран эцэслээд тогтооход 851 арга хэмжээ цугларсан. Өнөөдөр эцэслэж үнийн дүнг нь компани тус бүрээр нь гаргасан. 800 гаруй төсөл арга хэмжээний 524 дээр нь магадлал хийсэн.
Гадаа жагсч байгаа барилгачдын зовлонг ойлгож байгаа. Магадлалаа зургадугаар сарын 15-нд дуусгана гэж байхад зарим хүмүүс магадлал битгий хийлгээрэй гэж байсан. Бид 524 төсөл дээр магадлал хийхэд 269.1 тэрбум төгрөгийг зөрүү гарч байгаа юм. Үүнийг Засгийн газарт танилцуулж, УИХ өргөн барина. 270 гаруй тэрбум төгрөгийн үнийн зөрүүг улсын төсөвд суулгах асуудлыг ярина. Эцэслэн шийдэх нь УИХ-ын асуудал.
Зарим барилгынхан тээвэр, цалингийн асуудлыг бодохгүй байна гэж байна. Төрт ч тэр, хувийн хэвшилд ч асуудал байна. Хөнжлийнхөө хэрээр хөлөө жийе. 270 гаруй тэрбум төгрөгийг 524 төсөл дээр тооцлоо. Энэ үнийн өсөлт дотор тээврийн зардал шингэсэн. байгаа" хэмээлээ
