Улс орон даяар Элсэлтийн Ерөнхий шалгалт маргааш буюу 2022.06.23-ны өдөр эхлэх гэж байна.
Шалгалт 10:00 цагт Түүхийн хичээлийн шалгалтаар эхлэх тов гарсан юм. Шалгуулагчид хариултын хуудсыг зөвхөн балын харандаагаар бөглөх бөгөөд ашиглах харандаа, баллуурыг Боловсролын үнэлгээний төвөөс тарааж өгөхөөр болжээ.
Тиймээс шалгуулагчид шалгалтад ирэхдээ дараах материалыг бүрдүүлж ирнэ. Үүнд:
-Иргэний үнэмлэх болон түүнтэй дүйцэхүйц баримт бичиг
-Бүртгэлийн хуудас / Энэ оны төгсөгч өөрийн бүртгэлийн дугаар, нууц үгээ ашиглан www.eec.mn цахим хуудасны шалгуулагчийн булангаас бүртгэлийн хуудсаа хэвлэн авч сурч буй сургуулийнхаа захирлаар гарын үсэг зуруулж, тамга даруулан баталгаажуулсан байх, өмнөх оны төгсөгчийн бүртгэлийн хуудас QR кодоор баталгаажсан байх тул шууд хэвлэн авна/
-Суудлын хуваарь /та өөрийн бүртгэлийн дугаар, нууц үгээ ашиглан www.eec.mn цахим хуудасны шалгуулагчийн булангаар нэвтэрч хэвлэж авна/
-Бүрэн дунд боловсролын гэрчилгээ зэрэг багтаж байна.