Нэгэн эмэгтэй өчигдөр цахим хуудастаа “Хүү минь алга болчихлоо” хэмээн пост оруулж олон хүний анхаарлыг өөр рүүгээ хандуулсан билээ. Мөн Цагдаагийн байгуулагад дуудлага өгсөн байсан юм. Санаа нь зовсон иргэд тухай постыг түгээж олон нийтэд тараасан. Түүний зарлалд “Хүү минь дөнгөж сая алга болчихлоо. Хамт тоглож байсан хүүхдүүд нь “Машинтай хүн аваад явсан” гэж хэллээ” хэмээн бичсэн байсан юм.
Тун удалгүй “Хүүгээ олчихлоо” хэмээх мэдээллийг оруулсан. Гэвч тэрбээр худлаа мэдээлэл тараасан байжээ. Цагдаагийн байгууллагаас “Иргэн Э-ээс 2022 оны зургаадугаар сарын 20-ны өдөр хүүхэд алга боллоо гэсэн дуудлага мэдээллийг өгсний дагуу эрэн сурвалжлах шалгалтын ажиллагаа хийсэн. Шалгалтын явцад худал дуудлага мэдээлэл өгсөн нь тогтоогдсон тул Зөрчлийн тухай хуулийн 15 дугаар зүйлийн 2 дах хэсэгт зааснаар 50 нэгжтэй тэнцэх хэмжээний төгрөгөөр торгож шийдвэрлэсэн байна.” хэмээлээ.