“U17”, “U23” насны Азийн аварга шалгаруулах тэмцээн өчигдөр Кыргызстаны нийслэл Бишкек хотод эхэллээ. Өнөөдөр өсвөр үе буюу "U17" ангиллын сонгомол бөхийн 65, 71, 80 кг, чөлөөт бөхийн охидын 40, 46, 53, 61, 69 кг-ын жингийн барилдаан болов.
Манай улсаас таван бөх барилдснаас гурав нь үдээс хойш алтан медалийн төлөө барилдана. Тодруулбал, охидын 46 кг-ын жинд Налайх дүүргийн “Голомт” цогцолбор сургуулийн тамирчин Чинзоригийн Номин, 53 кг-д Баянхонгор аймгийн тамирчин Бямбасүрэнгийн Халиун, 69 кг-д “Женко” клубийн тамирчин Эрдэнэбатын Одзаяа нар шигшээд шалгарав. Тэгвэл 40 кг-ын жинд И.Намуун, 61 кг-д Л.Эрдэнэболор нар хэсгээсээ шалгарч чадалгүй тэмцээнээ өндөрлүүлэв. Медалийн төлөөх барилдаан монголын цагаар 20:00 минутад эхэлнэ.
Эх сурвалж. МЧБХ