Ардчилсан намаас өнөөдөр /2022.06.20/ цаг үеийн асуудлаар мэдээлэл хийлээ.
Өнөөдрийн мэдээллийн үеэр тус намын Ерөнхий нарийн бичгийн дарга Ч.Өнөрбаяр "МАН-ын эрх мэдэлдээ шунасан шунал чинь Монгол Улсыг дуусгалаа. Сонгуулиас сонгуулийн хооронд ард түмнийг амьдруулсаар байгаад иргэд чинь туйлдаж байна. Цалин цаас боллоо. Өнөөдөр та нар /эрх баригчид/ ажлаа хий. Ард түмэн та нарыг сонгосондоо хараагаад сууж байна.
Ерөнхий сайд Л.Оюун-Эрдэнэ өөрөө гарч ирж, ажлаа сайн хийнэ гээд залуучуудын жагсаалыг тараасан. Энэ хүмүүс ажлаа дэндүү сайн хийсэн учраас бензиний үнэ сүүлийн байдлаар 300 төгрөгөөр өслөө. Найман сард эрчим хүчний үнэ нэмэгдэх гэж байна. Араас нь орон сууцны зээлийн төлбөрөө төлөх гээд ачаа нэмэгдэх гэж байгаа.
Эрх баригчид ард түмний амьдралыг доройтуулж ажлаа сайн хийлээ гэж харж байна
Морь, бөх, наадам яриад гүйгээд байх юм. Ямар их завтай юм. Бид та нарын амар заяаг чинь үзүүлэхгүй. Та нар юу ч хийгээгүй. Дандаа л баялаг бүтээсэн хүмүүсээ шоронд хийсэн. Залуусаа төрийн албанаас хөөж гаргасан" хэмээн эрх баригчдыг хатуухан шүүмжлэв.