Жүжигчин Ц.Ганбаяр өнөөдөр таалал төгсжээ. Монголын хошин урлагийн нэгээхэн том төлөөлөл “Шинэ үе продакшны” жүжигчин асан Ц.Ганбаяр элэгний хорт хавдартай тэмцэлдээд багагүй хугацааг өнгөрөөсөн. Тэрээр энэ хугацаанд БНСУ-д эмчилгээ хийлгэж, саяхан эх орондоо ирсэн юм .
Тэгвэл өнөөдөр /2022.06.14/ “ Мөрөөдлийн театрын “ жүжигчин Ц.Ганбаяр таалал төгсөж түүний олон сайхан дүрүүд сэтгэлд үүрд хоногшин үлдлээ. Харин жүжигчин Тэмка өөрийн цахим хуудснаа найзынхаа талаар ийнхүү сэтгэгдэл бичжээ. Тэрбээр:
“Эвий эвий муу найз минь….Яасан ч хэцүү хорвоо вэ?…Амьдрахын төлөө чи минь өдий хүртэл хичээсээн. Ард үлдэж байгаа үр хүүхдүүд болон хорвоо дээрх ганц эгчид нь найзууд нь чадлаараа хичээж туслаж харж хандаж явах болноо. Амьддаа л бие биенээ хайрлаарай хүмүүс минь. Сайхан сэтгэл хүн чанарын үлгэр болсон сайхан найз минь. Мөнх тэнгэрийн орондоо тайван нойрсдоо. Чи минь бидний сэтгэл зүрхэнд үргэлж мөнхөд байх болно. Ум сайн амгалан болтугай!!!” хэмээжээ. Түүний гэр бүлд гүн эмгэнэл илэрхийлье.