Жүжигчин Ц.Ганбаяр элэгний хорт хавдартай тэмцэлдээд БНСУ-д эмчилгээ хийлгэж байгаад саяхан эх орондоо ирээд байсан билээ. Тэгвэл өнөөдөр /2022.06.14/ жүжигчин Ц.Ганбаяр таалал төгссөн гэх гунигт мэдээ гарлаа.
Жүжигчин Ц.Ганбаяр нь “Шинэ үе продакшны” жүжигчин байсан бөгөөд сүүлийн жилүүдэд өөр продакшнд харъяалагдаж байсан юм. Түүний уран бүтээлийн гараагаа эхлэж байсан “Шинэ үе продакшны” хамт олон албан ёсны фэйсбүүк хуудсаараа эмгэнэл илэрхийлжээ.
Шинэ үе продакш: "Бидний хайрт сайхан найз, анд, дүү ,СТА жүжигчин Ц.Ганбаяр маань хүндээр өвдөж байгаад таалал төгслөө. Бид бүгдийнхээ сэтгэл зүрхэнд үүрд мөнх орших болно" гэжээ.