БНХАУ-ын Батлан хамгаалахын сайд Вэй Фэнхэ Сингапурт болж буй Азийн аюулгүй байдлын дээд хэмжээний уулзалтын үеэр, АНУ-ын Батлан хамгаалахын сайд Ллойд Остинтэй уулзжээ.
Энэ уулзалтаар Вэй Фэнхэ "Тайванийг Хятадаас салгах гэж оролдвол Бээжингийн арми ямар ч үнээр хамаагүй тулалдахаас өөр сонголтгүй болно" гэж мэдэгдсэн байна. Мөн "Тэрээр хэлэхдээ, дэлхийд ганцхан Хятад улс байдаг, Тайвань бол Хятадын нутаг дэвсгэрийн салшгүй хэсэг юм. Нэг Хятадын зарчим бол Хятад, Америкийн харилцааны улс төрийн үндэс бөгөөд "Тайваниар Хятадыг хязгаарлах" нь ямар ч боломжгүй юм. Америк саяхан Тайваньд зэвсэг худалдахаа дахин зарласан нь нэг Хятадын зарчим болон Хятад Америкийн гурван хамтарсан мэдэгдлийг ноцтой зөрчиж, Хятадын бүрэн эрх, аюулгүй байдлын ашиг сонирхлыг ноцтой хохироож, Хятад, Америкийн харилцаа ба Тайваний хоолойн тогтвортой байдлыг ноцтой эвдэж байна. Хятад улс үүнийг хатуу эсэргүүцэж, эрс буруушааж байна." хэмээсэн байна.