Дорноговь аймгийн Мандах сумын нутаг "Богдын Хошуун хонд" гэх газарт нүүрс олборлогч “Түмэн айл инвест” компанийг эсэргүүцсэн "НИНЖА" нар болон уурхайнханы эсрэг зөрчил сүүлийн үед газар авах хэмжээнд хүрлээ. Энэхүү газарт "Түмэн айл инвест" гэх компанид БОАЖ-ын яам нүүрсний ашиглалтын лицензийг нь олгожээ. Ингээд тус компани өнгөрсөн намраас үйл ажиллагаагаа эхлүүлэх гэсэн боловч "Түмэн айл инвест" компанийг нутгийн иргэд болон "НИНЖА" нар нийлж хөөж гаргажээ. Энэ хавраас ахин үйл ажиллагаагаа эхлүүлэх гэсэн боловч мөн л нутгийн иргэд болон "НИНЖА" нарын эсэргүүцэлтэй тулгарсан нь энэ. Эдийн засгийн хүнд нөхцөлд байгаа манай улсын гол орлого бол нүүрс, зэс зэрэг уул уурхайн түүхий эдүүд байгаа. Цар тахал, дайн тулаан, урд хил нээгдэхгүй байгаа зэрэг эдийн засгийн хүнд нөхцөлд улсад орлого оруулж байгаа эдгээр аж ахуйн нэгжүүдээ ингэж ээлж дараалан хөөсөөр байвал энэ улсад ямар компаниуд орлого оруулж, ард иргэдийг цалин тэтгэвэртэй болгох вэ БОАЖ-ын Б.Бат-эрдэнэ сайдаа? Энэ мэт бодлогогүй үйлдлүүдийн чинь үр дүнд гадаадын улс орнуудын хөрөнгө оруулалт зогсоход тулаад байна. Цаашид эдийн засгийг дэмжих гадаадын хөрөнгө оруулалтыг дэмжиж ажиллах юм уу Ерөнхий сайдаа? Эсвэл эдийн засагтаа дефолт зарлах сонголтыг хүлээх үү? Манай улсын экспортын 90 хувийг уул уурхайн бүтээгдхүүн эзэлж, дотоодын нийт бүтээгдхүүний 25 хувийг нүүрс, зэс зэрэг ашигт малтмалууд эзэлдэг гэсэн статистик судалгаа бий. Харин энэ мэт байдлаар улсад орлого оруулж буй компаниудаа боомилсоор байвал Монгол улсын эдийн засаг бүхэлдээ сүйрч, Грек шиг дефолт зарлах цаг ойрхон байна.