Өнөөдөр 2022/06/12-ны 12.00 цагаас Оросын өдрийг тохиолдуулан Улаанбаатар дахь Русский Дом/ РЦНК-д ОХУ-аас Монгол Улсад суугаа Онц бөгөөд Бүрэн эрхт Элчин сайд Искандер Кубарович Азизов 2021 онд нийт 35 аюулт үзэгдэл, ослын дуудлагаар ажиллаж, гарч өөрийн амийг үл тоомсорлон 35 хүний алтан амийг аварсан, тэр тусмаа галын голомтоос ноцтой гэмтсэн таван хүний амь насыг аварч эмнэлгийн анхан шатны тусламж үзүүлэн, эмнэлгийн байгууллагад хүлээлгэн өгсөн мөн Гачуурт голд живж байсан авто тээврийн хэрэгслээс гурван хүний амийг аварсан НОБГ-ын нийслэлийн аврах ангийн аврагч С. Билэгжаргалыг Бүх Оросын төр олон нийтийн “Горячее сердце” санаачилгын зохион байгуулах хорооны шийдвэрээр “Горячее сердце” (Халуун зүрх) хүндэт тэмдгээр шагнасныг гардуулан өгнө.
Өнгөрсөн долоон жилийн хугацаанд өөрийнхөө улсын эр зоригтой, идэвхтэй иргэн байж, амьдралын хүнд хэцүү нөхцөл байдлыг даван туулахын үлгэр жишээг харуулсан ОХУ-ын болон гадаадын 1020 гаруй шагналтнуудыг "Халуун зүрх" тэмдэгээр шагнасан байна. Монгол Улсын хувьд 22 настай С.Билэгжаргал нь энэхүү шагналыг авч буй хоёрдахь иргэн юм.