Өчигдөр олимпийн аварга Н.Түвшинбаярт холбогдох хэргийн шүүх хурал өчигдөр болж түүнд нээлттэй хорих ангид 16 жилийн хорих ял оноосон билээ. Шүүх хурлын шийдвэр гарч мэдээлэл гарснаас хойш хохирогчын эхнэр Б.Нандинцэцэгийг Н.Түвшинбаярт оноосон ялыг хүлээн зөвшөөрөхгүй гэх ташаа мэдээллүүд сэтгэгдлүүд хөвөрсөн үүнд зохиолч Б.Шүүдэрцэцэг өөрийн үзэл бодлыг илэрхийлж "НАНДИНЦЭЦЭГ дүү минь одоо нэг ҮГЭЭ ХЭЛЭХ цаг болжээ!" хэмээжээ. Тэрбээр:
"Хань ижлээ сэхээх гэж харьд 8 сар сахиад, ирж үүрд алдаад, эмнэлгийн төлбөрт төлсөн мөнгөнөөс болж шуналын тулам гэж чичлэгдэх нь өнчин 3 хүүхэд хохирогч бүсгүйд ямар амьдын там бгаа бол?Солонгосын өндөр зэрэглэлийн 2 эмнэлгийн сэхээнд өвчтөнгөө 8 сар хэвтүүлсний төлбөр хэд гарах вэ? Хамгийн энгийн өрөө нь эмчилгээ орохгүйгээр өдрийн 200-300k вон байдаг юм билээ. Тэгээд өдрөөр нь үржүүлээд үз дээ! Зүв зүгээр байсан хүн хэвтэрт орж өчнөөн олон хүн дагаж явах онгоцны тийз, визний төлбөр, унаа, холбооны зардал, сахиурууд Сөүлд 8 сар суух байрны барьцаа, сарын төлбөр, хоол ундны зардал хэд болох вэ гэж бодоод үзээч! Юун шунал вэ? Эмчилгээнд хүн явахад зөвхөн эмнэлгийн төлбөр гардаггүй юм! Тэр айл ажил бизнесээ зогсоосноос үүдэн олох байсан орлого, хайртай дотны хүнээ үхлүүт болсноос, сахиж байхдаа амссан сэтгэл санааны хохирол, талийгчийн амьд мэнд байсан бол гэр бүлээ авч явахын төлөө зүтгэх байсан ирээдүй, үр хүүхэд дотныхны үүрдийн уй гашууг бол бүр хэн ч ярихгүй зөвхөн ХОХИРОГЧИЙГ БУРУУТГАХ нь ямар аймшигтай агаад ЗҮРХ СЭТГЭЛ-гүй юм бэ? НАНДИНЦЭЦЭГ дүү минь одоо нэг ҮГЭЭ ХЭЛЭХ цаг болжээ!" гэжээ.